ఈనెల 15న భూ పరిశీలన ఉపగ్రహ ప్రయోగం
ఈనెల 15న భూ పరిశీలన ఉపగ్రహం (ఈ ఓ ఎస్)-8 ను ప్రయోగించే వీలుందని భారత అంతరిక్ష పరిశోధనా సంస్థ ఇస్రో కు చెందిన వర్గాలు మంగళవారం తెలిపాయి. ఈ ఉపగ్రహాన్ని స్మాల్ సాటిలైట్ లాంచ్ వెహికిల్ (ఎస్ ఎస్ ఎల్ వి) డి-3 ద్వారా ఆంధ్రప్రదేశ్ లోని శ్రీహరికోట నుంచి నింగిలోకి పంపనున్నట్లు వివరించాయి.
ఒక మైక్రోసాటిలైట్ ను రూపొందించడం దానిలో ఇమిడి పోయే పరిశోధనా పరికరాలను అభివృద్ధి చేయడం ఈ ఓ ఎస్-8 మిషన్ ఉద్దేశమని వివరించారు. ఈ ఉపగ్రహంలో ఎలక్ట్రో ఆప్టికల్ ఇన్ఫ్రారెడ్ పే లోడ్ (ఈ ఓ ఐ ఆర్) గ్లోబల్ నావిగేషన్ సాటిలైట్స్ సిస్టం రిప్లై తో మెట్రి పేలోడ్ (జి ఎన్ ఎస్ ఎస్- ఆర్) ఎస్ ఐ సి యు వి డోసి మీటర్ అనే మూడు పరికరాలు ఉంటాయి. వీటి ద్వారా విపత్తులు పర్యావరణం అగ్నిపర్వతాలపై పర్యవేక్షణ వంటివి చేపట్టవచ్చు.
