మహారాష్ట్రలోని సింధు దుర్గ్ లో ఉన్న చత్రపతి శివాజీ భారీ విగ్రహంకుప్పకూలిపోయింది

మహారాష్ట్రలో కుప్పకూలిన చత్రపతి శివాజీ భారీ విగ్రహం

మహారాష్ట్రలోని సింధు దుర్గ్ లో ఉన్న చత్రపతి శివాజీ భారీ విగ్రహం సోమవారం కుప్పకూలిపోయింది. 35 అడుగుల ఎత్తున ఈ విగ్రహాన్ని గతేడాది డిసెంబర్ 4న నౌకాదళ దినోత్సవం సందర్భంగా ప్రధానమంత్రి మోడీ ఆవిష్కరించారు.

రాష్ట్రంలో గత మూడు రోజుల నుంచి కురుస్తున్న వర్షాల కారణంగానే విగ్రహం కూలినట్లు భావిస్తున్నామని అసలు కారణాన్ని నిపుణులు త్వరలోనే వెల్లడిస్తారని అధికారులు తెలిపారు.

కాగా 9 నెలలు కూడా పూర్తికాకుండానే విగ్రహం కూలిపోవడం పట్ల ప్రతిపక్షాలు మండిపడ్డాయి. రాష్ట్ర ప్రభుత్వానికి ప్రచారం మీద ఉన్న దృష్టి నాణ్యత మీద లేదని దుయ్యబట్టారు.